Жақсылықтың үлкен-кішісі болмайды
Игілік Ауылдық Округінің әкімі Жандос Жанайдаровтың тікелей ұйытқы болуымен ауылдың белсенді жастары көмекке мұқтаж қариялардың үйіне барып, күнделікті шаруаларына жиі жәрдем беріп тұрады.
Округ әкімінің айтуынша басты мақсат аз қамтамасыз етілген қарт адамдарға, жалғызбасты қарт зейнеткерлер мен қарт мүгедектерге көңіл бөлу, оларға материалдық, әлеуметтік-тұрмыстық және басқа да көмек түрлерін көрсету.
Жақсылықтың үлкен-кішісі болмайды. Халыққа жәрдеміміз тисін,- деген ниетпен осы шараны қолға алдық,-дейді.
Расында да, әрбір жанның қуанғанын көргіміз келді. Әр істің бастауында осындай игі шаралар атқарылып тұрса, құба-құп.
Күз айларында қысқа дайындыққа көмектессе, қыста аулаларын қардан тазартып, үйін жинастырып, шаруашылығына қолғабыс болады.
Әсіресе еріктілер көктем мен басқа да ауа райының қолайсыздығынан қиындық көретін ауылды аймақта жалғыз тұратын қарияларға көмек көрсетеді.
Осындай ізгі іс Игілік ауылдық округі жастар ісі жөніндегі инспекторының ұйымдастыруымен ауыл жастары бірлесе отырып көрініс тапты.
Олар жалғыз басты анаға қыстық отын түсіріп көмек қолын созды.
Игілік ауылдық округі
