Ағымдағы жылы Талас ауданында 4630 гектар егістік алқапқа дәнді-дақыл егу жоспарланып отыр. Оның ішінде: 1600 гектар алқапқа жаздық арпа, 500 гектар дәндік жүгері, 650 гектар мақсары, 50 гектар күнбағыс, 130 гектарға картоп, 300 гектар бақша, 200 гектар көкөніс және 1200 гектар көпжылдық шөп себіледі. Одан бөлек, күз айларында 5000 гектар алқапқа күздік бидай егілді. Оның ішінде: Берікқара ауылдық округі аумағына 2100 гектар, Қаратау ауылдық округіне 1900 гектар және Қасқабұлақ ауылдық округіне 1000 гектар. Аталған алқаптарға 1000 тонна тұқым себілді. Оның 1-ші репродукциясы – 350 тонна, 2-репродукциясы – 450 тонна және 3-репродукциясы – 200 тоннаны құрады.Көктемгі егістік дала жұмыстарына 240 тонна кепілдендірілген дизель отынына және 158 тонна минералды тыңайтқышқа облыстық ауыл шаруашылығы басқармасына тапсырыс берілді.
Талас ауданы әкімдігінің баспасөз қызметі
