Елдегі жаппай тәртіпсіздіктер кезінде қаза болған қарапайым азаматтардың несиесі кешіріледі, деп хабарлады Шаңырақ инфо turkystan.kz. сайтына сілтеме жасап…
Бұл туралы Қаржы нарығын реттеу және дамыту агенттігі қаржылық қызметтерді тұтынушылардың құқығын қорғау департаментінің директоры Александр Терентьев ОКҚ-да өткен брифингте мәлімдеді.
«Тапсырмаға сәйкес, жаппай тәртіпсіздіктер кезінде қаза тапқан әскери қызметшілердің кредиті есептен шығарылады. Сондай-ақ, тәртіпсіздік кезінде қаза болған қарапайым азаматтардың кредиті де кешіріледі. Қазіргі таңда агенттік бұл бағытта жұмыс жүргзіп жатыр», – деді Терентьев брифингте.
Бұған дейін бірнеше банк елдегі бүлік кезінде көз жұмған әскерилер мен полицейлердің кредитін кешіретінін мәлімдеген еді.
