Қазіргі уақытта кеселді жеңудің жалғыз ғана жолы бар.
Ол вакцина салдыру. Екпе ектіруге күмәнмен қараудың, бұл процедурадан қорқудың қажеті жоқ.
Қазір өңірімізде вакцинаның бірнеше түрі бар.
Әр азаматқа таңдау құқығы берілген.
Сарысу ауданы орталығында екпе егу жұмыс жасап жатыр.
Кез-келген уақытта барып, екпе ектіруге болады.
Бұл туралы аудан әкімдігінің әр жиындарында айтылып келеді.
Ауылдық округ әкімі Жандос Жанайдаров та мамандардың кеңесіне құлақ түруге шақырып келеді.
Бүгінгі күні басты мақсат – ұжымдық иммунитет қалыптастыру.
Сол кезде ғана біз бұрынғы тіршілігімізге орала аламыз,-дейді.
Өз басым алғашқылардың бірі болып вакцина салдырдым.
Препараттың үш компонентінде толық қабылдадым.
Бұл шешімім үшін өкінбеймін.
Жалпы, қауіпті инфекцияға жасы үлкен адамдар тез шалдығатындығы айтылып жатыр.
Мен екпе ектіру арқылы өзімді және де отбасымды дерттен қорғадым деп ойлаймын.
Сол себепті барлықтарыңызды вакцина салдыруға шақырамын. Кейінгі жылдарды бері бетперде тағып жүру күнделікті өмірімізге етене еніп кетті.
Соның өзінде осы сақтық талабына салғырт қарайтын жерлестеріміз бар. Бұған қоса, әлеуметтік арақашықтықты сақтаудың маңызы зор.
Көпшілік жиналатын қоғамдық орындарға бармауға тырысу қажет. Той-томалақтардан да бас тартқан абзал.
Ғазиза Абдрахманова, Игілік ауылдық округі, бас маман
