Танымал әнші Ерке Есмахан ғашығына еркелеп жүргенін айтып мақтанды.
Алайда әнші сүйіктісін көпшілікке көрсеткісі жоқ, деп хабарлайды Экспресс К.
Өнер иесіне соңғы уақытта ғашығы түрлі сыйлықтар сыйлап жүрген сыңайлы. Тіпті оның қыңыр мінезін де көтеретін көрінеді. Еркенің сөзінше, ол оған еркелеп жүр.
Күнім еркелеумен басталып, еркелеумен аяқталады. Өмір өзі еркелетеді. Қазірдің өзінде бір жанға еркелеп отырмын. Кейде ұрсып аламын. Қысқасы мен қылықты қызбын,
Талайды ерке қылығымен баурап алатын әнші өзінің мықты әйел екенін айтады. Ол өз мәселесін өзі шешеді.
Қазір қыздардың иығына ауыр жүк артылған. Иә, мен де барлық шаруаны өзім шешемін. Мықты әрі нәзікпіз,
Өнер иесі осыдан бір ай бұрын «Әмре» лақап атымен танымал жас әнші Ернар Садырбаевпен мейрамханада отырған жерінен ұсталып қалған еді. Оның алдында Ерке ғашығы Азамат Зенқаевпен айырылысып кетті.
Экспресс К бұған дейін әншінің ай сайын қанша ақша табатынын жазған еді.
