Тойлардың бірінде үнді биін билеген әжей елді таң қалдырды. Оның қимылына риза болғандар кейуанаға ұзақ ғұмыр тіледі.
Орнында отырып билеген әжейдің видеосы әлеуметтік желілерде пайда болды, деп хабарлай Экспресс К.
Көпті тәнті еткен бейнежазбаны Instagram-дағы @anashim_kaz паблигі алғашқылардың бірі болып жариялады. Онда тойда бір топ бишінің үнді биін билеген сәтін көруге болады. Көпшілікпен дастархан басында отырған әжей әуезді әуенге ілесе кетіп, орнында отырып үндіше билейді. Кейіннен иығына орамал жауып, орнынан тұрып, айнала кетеді.
Желідегілер әжей жас кезінде биші болған деп болжады. Енді бірі бір топ бишіге қарағанда кейуананың қимылы кәсіби деп пікір қалдырды.
«Әжеміз кезінде күшті биші болған-ау», «Күш-қуатыңыз кетпесін, денсаулық берсін Алла», «Қайта апаның биі, қимылы биші қыздарға қарағанда әдемі келіп тұр», «Шыдай алмай тұрып кетті ғой орнынан», «Әже менен жақсы билейді екен», «Аналар аман болсын. Барыс жылында бүкіл аналар мен балаларға жақсылық жасалатын, тамаша жыл болсын», «Апа, жүз жасаңыз», «Күшті, өзіне жарасып тұр», — деп жазды желідегілер.
Бұл тойдың қайда және қашан өткені белгісіз. Facebook қолданушыларының пікірінше, салтанатты шара Сарыағаш ауданында өткен болуы мүмкін.
