UFC президенті Дана Уайт ресейлік Хабиб Нурмагомедовке қарсылас атануы мүмкін үш үміткердің атын атады, деп хабарлайды Prosports.kz.
«Нурмагомедов пен МакГрегор арасындағы кездесу мүмкін емес рекордты орнатты. Адам айтқысыз жекпе-жек болды. Ендігі Хабибтің Тони Фергюсонмен, Дастин Порьемен кездесуін ұйымдастыруымыз керек. Нурмагомедов Конормен реванш өткізуі мүмкін. Әзірше Невада штатының Атлетикалық комиссиясы Конор мен Хабибке қанша уақытқа шеттетіп, қандай айыппұл салатынын білмегендіктен, жекпе-жек туралы айту әлі ертерек», — деді UFC басшысы.
