Күршім аудандық полиция бөлімінің қызметкерлері «Марқакөл табиғи қорығы» мекемесінің мамандарымен бірлесіп еліміздегі ерекше қорғалатын табиғи аймақ – Марқакөл көліне рейдтік іс-шаралар ұйымдастыруды жалғастыруда.
Жақында өткен сондай бір рейдтің барысында көлден заңсыз балық аулаған азамат ұсталды. Атап айтқанда, 45 жастағы аудан тұрғынының қорасын тексеру кезінде жалпы салмағы 127 келіні құрайтын майқан тұқымдас балығының партиясы табылып, тәркіленді. Шығын мөлшері шамамен 600 мың теңгеден асады.
«Аталған факті бойынша Қылмыстық кодекстің 335-бабы 3-бөлігі, яғни балық ресурстарын, басқа да су жануарларын немесе өсiмдiктерін заңсыз алу тармағы бойынша сотқа дейінгі тергеу амалдары басталды», деп хабарлайды облыстық полиция департаментінің баспасөз қызметінен.
Сәрсен Қабылым
https://didar-gazeti.kz/zangsyz-balyq-awlaghan/
