Екі қария, басқа жер таппағандай, «Қазақ әдебиетіне» келіп, Абайдың тегі туралы дауласыпты. Бір арғынның ішінде бөлісе алмай жатса керек. Кабинет иесі Мәкеңе жұмыс істеу керек. Сосын: «Ай, ақсақалдар-ай, білмейді екенсіңдер ғой, Абай — арғын емес қой..» — депті кенет. Екі ақсақал аңтарылып Мәкеңе қарайды: «Енді кім?». «Төртқара» — дейді ағам саспастан. «Қалай?» Қариялардың жан дауысы шығады. «Былай, — дейді Мәкең. — Абайдың атасы Ырғызбайдың Ырғыздың бойында туғаны рас қой?» «Рас», — дейді аналар күмілжіп. «Бұл — бірінші дерегім. Екіншісі, анау суретті қараңыздар, — дейді қабырғада ілулі тұрған дәл осы суретті нұсқап. «Ал қарадық, онда тұрған не бар?» «Жоқ, мұқият қараңыздар, Абай бас бармағын шапанының ішіне тығып, төрт саусағын көрсетіп тұрған жоқ па? Бұл — біздің төртқаралардың жасырын белгісі. Абай да суретке түскенде сол белгіні көрсетіп тұр…» Қариялар бір-біріне қарап алыпты да, үнсіз шыға жөнеліпті)))
https://www.facebook.com/groups/260439898254885/permalink/703188477313356/
