Өткен аптада аудан әкімі Марат Сұлтанғалиев Тоғызкент, Досбол, Игілік және Жаңаталап ауылдық округтерінде жұмыс сапарымен болды. Ең әуелі аудан басшысы ауылы аралас, қойы қоралас жатқан Тоғызкент және Досбол ауылдық округтерінің әлеуметтік маңызы бар нысандарын аралады.
- Елімізде короновирус инфекциясы жаңа штамының тез таралуымен, эпидемиялық ахуал күрт нашарлады. Осы ретте аудан тұрғындарын вакцинациялау және осыған қатысты түсіндіру жұмыстарын жеделдетуді тапсырған аудан басшысы, ең әуелі Майлыкөл ауылындағы медециналық пунктінің жұмысымен танысты. Бұл медициналық нысан – аудан бойынша ұйымдастырылған 6 вакцинация егу пунктінің бірі.
Сонымен қатар аудан басшысы Түгіскен орта мектебі мен «Жанна» бөбекжай бақшасының жылыту жүйелерін көзбен көріп, округ әкіміне балабақшаның жылу жүйесін газға қосу жұмыстарын атқаруды жүктеді.
- Сондай-ақ, Марат Қырғызәліұлы санитарлық талаптарды сақтай отырып, тоғызкенттік тұрғындармен жиын өткізді. Басқосу барысында жуырда ғана жаңадан сайланған жергілікті округ әкіміне аудан басшысы ауыл тұрғындарына ауыз су беру уақытын ұлғайтуды, асфальт жабындысы жоқ көшелерге жобалық-сметалық құжат әзірлеп, ұсыныс беруді және ұйымдастыруды тапсырды.
Дәл осылайша Досбол ауылдық округінің әлеуметтік маңызы бар нысандарын барлап шыққан аудан басшысы жергілікті тұрғындармен, оның ішінде ардагерлер және шаруа қожалық төрғаларымен кездесу жиын өткізді.
Келелі
кездесуде халықтың көкейінде жүрген мәселелері бойынша тиісті сала басшыларына бірқатар тапсырмалар берді.
Айта кетсек, Шағалалы ауылындағы медициналық пунктінде дәрігер мамандардың жетіспеуі, сондай-ақ, дәл осы ауылға клуб үйін соғу мәселелері қаузалды.
Ал, Жұма күні аудан әкімі Марат Қырғызәліұлы жұмыс сапарымен Игілік және Жаңаталап ауылдық округтерінде болды.
Аудан басшысы әуелі Шоқай датқа орта мектебінің материалдық-техникалық базасымен танысып, жылыту жүйесін тексерді.
380 оқушыға шақталған мектеп 2007 жылы пайдалануға берілген. Мектеп директоры Абдолла Кетпенбайұлының айтуынша, қазіргі таңда білім ордасында 57 мұғалім жұмыс істейді. Барлық арнаулы сыныптар қажетті компьютерлік жабдықтармен қамтамасыз етілген. Сондай-ақ, мектепте 30 бақылау камерасы орнатылған.
Одан әрмен Марат Қырғызәліұлы Игілік фельдшерлік-акушерлік пунктіне бас сұғып, жергілікті тұрғындарды КВИ-ге қарсы вакцинациялау жұмыстарымен танысты. Жалпы Игілік ауылында (20 қаңтардағы мәлімет бойынша) 12-17 жас аралығындағы 97 жасөспірім, 2 жүкті және 3 бала күтіміндегі әйел ерікті түрде «Pfizer» вакцинасын қабылдаған. Жоспарланғаны – 142 адам.
- Аудан басшысы Өндіріс ауылында орналасқан Жарылқасын Отарбаев атындағы орта мектебінде болды. Мұнда да мектептің жылу қазандығының жай-күйіне баса мән берілді. Айта кетейік, 1971 жылы салынған білім ордасы 2016 жылы 54 млн. теңгеге күрделі жөндеуден өткен.
Өндіріс ауылдық клубында өткен тұрғындармен кездесуде Марат Қырғызәліұлы жергілікті халықты мемлекеттің шапағатын тиімді пайдалануға шақырды.
- Сонымен қатар, аудан басшысы округте бірқатар әлеуметтік нысандарды аралау барысында көзгерген олқылықтарды ортаға салып, оларды шешу бойынша округ әкіміне тиісті тапсырмалар берді.
Игіліктен шыққан аудан әкімі, Жаңаталапқа жол тартты. Бірінші жергілікті білім ошағына барып, мектеп қазандығының жұмыс тәртібімен, жылу жүйесімен танысты. Айта кетейік, 1989 жылы пайдалануға берілген мектеп, 2020 жылы толық күрделі жөндеу көрген. 204 балаға шақталған Жаңаталап орта мектебінде қазіргі таңда екі ауысыммен 176 бала білім алуда. Көп жыл қатарынан мектеп бітірушілері Ұлттық біріңғай тестілеуден үздік нәтиеже көрсетіп келеді.
- Айтқандай, Жаңаталап ауылындағы ветеринарлық пункті ғимаратының ішінен ауыл ардагерлеріне арнайы бөлме қарастырылып, қариялардың бас қосуына қолайлы жағдай жасалған. Округ ардагерлер кеңесінің төрағасы Дүйсенбек Пернебаев аудан әкіміне қажетті жабдықпен қамтамасыз етілген кабинетті таныстырып, ауыл ақсақалдарының ризашылығын жеткізді.
Жоспарға сәйкес, Ұйым ауылдық клубында аудан әкімінің елдімекен тұрғындарымен кезекті кездесуі өтті. Ауылдық округ әкімі Темірлан Амандықұлы өткен жылы атқарылған бірқатар жұмыстарды тізбектей келе, ағымдағы жылға қойған межелі жоспарын көпшілікпен бөлісті.
Нұрсұлтан РАХЫМБАЙ,
Сарысу ауданы әкімдігінің Баспасөз хатшысы
