Су тасқыны, су басу – болжап болмайтын салдарға әкелуі мүмкін қауіпті табиғи құбылыс.
Ол ауа райы температурасының кенет көтерілуі, қардың қарқынды еруі, нөсер жаңбыр, қума жел, мұздың кептелуі және т.б. өзен, көлдегі судың көтерілуі нәтижесінде орын алады.
Осыған орай Талас ауданының әкімі Қанатбек Мәдібек «Қарашат», «Шабақты» және «Пионер» су қоймаларының су тасқынына қарсы қауіпсіздігін қарап шықты,-деп хабарлайды Шаңырақ инфо Талас ауданы әкімдігінің парақшасындаңы жазбаға сүйеніп…
“Пионер» су қоймасы Көктал ауылдық округінің аумағында орналасқан. Ауыл іргесіндегі саяжайды ағын сумен тұрақты қамтамасыз етіп, су тасқынының алдын алу мақсатында құрылған бұл кешеннің жалпы сыйымдылығы 2,0 млн.текше метр. Бүгінгі күнге нақты су көлемі 0,62 млн текше метрді құрап отыр.
-
- Одан бөлек, Қаратау ауылдық округінде орналасқан Қарашат (жалпы сыйымдылығы — 0,35 млн текше метр) және Шабақты (жалпы сыйымдылығы — 0,6 млн.текше метр) су қоймаларының жұмысымен танысқан аудан басшысы алдағы уақытта үй іргесіндегі жерлерге қажетті суды жеткізу және тиімді пайдалануды тапсырды
Сондай-ақ, «Жамбыл су қоймалары” мекемесімен бірлескен жұмысты жандандыру керек», — деді.
Бүгінгі күнге Қарашат және Шабақты су қоймаларының толымдығы тиісінше 100 және 60 пайызды құрайды.
