ТАЛАС АРУДАЙ ТАРАНЫП, ТОТЫДАЙ ТҮРЛЕНЕ ТҮСІПТІ
Бүгін Қаратау қаласындағы қайынапамның үйіне қонаққа барған едік.
Жол бойындағы тазалық жұмыстарын көріп арнайы шырт еткізіп алдым…
ТАЛАСҚА БАРЫП, ТАҢ ҚАЛДЫМ!,- дейді журналист Дариха Үмбетиярова өзінің әлеуметтік желі парақшасында…
- Ал, Қаратауға кіргенде расымен Талас хас сұлудай ТАРАНЫП, тотыдай түрлене түскенін көрдім.
Қаратауға жиі—жиі барушы едік. Босанып, кішкентайлы болғалы жарты жылдан астам уақыт ат ізін салмаған едім.
Аз уақытта көп жұмыс атқарылыпты. Жарайсыз Қанатбек Мәдібек аға деп қоям күбірлеп.
Жолдасым да Қаратау жасанып кетіпті ғой—е, —деп қояды.
Балаларым мәз. Мам мына жерлерде суретке түсейікші деп…
Тазалық пен жасампаздықты ту еткен Талас ауданның айнасы десек артық айтқандық емес.
Жыл сайын көркіне көрік қосып, ажары артып, гүлдене түскені көңілге қуаныш ұялатады.
Ал, жол бойындағы тазалық жұмыстары.
Мұның бәрі ![]()
ең алдымен, тұрғындар үшін. Себебі қоршаған орта таза болса, тұрғындардың да денсаулық деңгейі жақсара түспек.
ең алдымен, тұрғындар үшін. Себебі қоршаған орта таза болса, тұрғындардың да денсаулық деңгейі жақсара түспек.Өкініштісі, мұны ұқпайтындардың қарасы қалың.
Мәселен тұрғындар түн ортасы ауа бірнеше қапқа күл-қоқыс, құрылыс қалдықтарын салып, көшенің бірнеше жеріне шығарып қоюды әдетке айналдырған.
Бұны ауданның көркін қашырады. Айналып келгенде зиянын сол тұрғындардың өзі көреді.
Себебі, тазалық – өмір айнасы, иманның жартысы.
Тазалық ортақ іс. Неге тазалап қоймайды деп шашу дұрыс емес. Көп болып, жұмылып атсалысқанда ғана, тазалық мәдениеті қалыптасады.
Ол болмаған жерде бейберекетсіздік еңдеп, қоғамда қауіпті жағдайлар орын алып, адам денсаулығына зиянды факторлар пайда болуы ғажап емес.
Бұлай деуімізге Қ
ытай елінде тараған «коронавирус» себеп болуда. Яғни тазалық сақталмаған жағдайда инфекциялық түрлі ауру-сырқау тарайтынын ұмытпағанымыз абзал.
Сондықтан санитарлық жұмыстардың жүйелі жүргізілуінің мәні осында.
Бұл – бір. Екіншіден, тұрмыстық қатты қалдықтар кез келген жерде шашылып жатса, көшенің де көркі қашады.
Ауыл, елдің сәні бұзылады. «Тазалық – табалдырықтан басталады» деген ұғымды әкеміз бен анамыз қаршадайымыздан-ақ санамызға сіңірді.
Бұл біздің отбасымыз үшін ғана емес, Отан алдындағы азаматтық міндеттің ажырамас бөлігі екенін бәріміз жақсы білеміз.
Күнделікті есіктің алдынан бастап, қора-қопсыны тазалау, қоқыстарды тиісті орынға шығару, реттеу жұмыстары әдетімізге айналған.
Әжелеріміз «Лас жер – жын-шайтанның мекені. Отырған, жүрген жерлеріңді таза ұстаңдар. Айналаңа қоқыс тастама» деп отыратын.
Жарықтықтар адам қажеттілігін терең философиямен жеткізіп кеткен екен-ау.
Әрине, таза жерде, таза орында, тазалықта береке бар.
Талас тозып барады деп ойлаушы едік. Осындай берекеге қол жеткіздік. Көктем, жазда қаламыз әсемденіп, жасанып, мүлде адам танымастай өзгереді,—деп аудан ажарына ажар қосып келе жатқан Қанатбектей әкімін мақтап, қайынапам отыр.
Жалпы Таластықтар үшін қуаныштымын. Әрбір қазақ даласы осылай гүлденіп, көркейе берсін.!
