Талас ауданында тұрғындардың салауатты өмір салтын ұстануына бағытталған жұмыстар жоғарғы деңгейде іске асуда.
Мұнда спортпен шұғылдануға арналған нысандар саны жылдан жылға артып келеді.
Бүгін аудан әкімі Қанатбек Мәдібек мен аудан әкімдігінің дене шынықтыру және спорт бөлімінің басшысы Шыңғыс Рысбек Бостандық, Талапты, Аққұм, Сәду Шәкіров ауылдарында орналасқан спорт нысандарын аралады.
Аудан көлемінде жастардың спорт үйірмелеріне қамтылуы, спорт мектептерінің материалдық — техникалық базасы, жеткен жетістіктері мен алдыға қойған жоспарларынан хабардар болған аудан басшысы ондағы шешімін күткен бірқатар мәселелер төңірегінде өз ойымен бөлісті.
Одан бөлек, ауданның ірі жарыстарын осы ауылдардың спорт нысандарына өткізуді, сонымен қатар, аудандағы спортпен шұғылданатын балалар санын арттыруды тапсырды.
Талас ауданы әкімдігінің баспасөз қызметі
