Таласта 6850 адамға өрт қауіпсіздігі және улы газдан сақтану шаралары бойынша түсіндіру жұмыстарын жүргізілді
Өрт қауіпсіздігі саласында жүргізілген талдауға сәйкес, аудан аумағында ағымдағы жылы 1 өрт оқиғасы тіркелген. Былтырғы есептік мерзімде ауданда 3 өрт оқиғасы орын алған. Яғни, биыл 2 өртке кемігені байқалады. Бұл өз кезегінде аудандық Төтенше жағдайлар бөлімінің қызметкерлерімен жүргізілген үгіт-насихат жұмыстарының тиімділігінің нәтижесi.
Төтенше жағдайлар бөлiмi жыл басынан бері аудандык полиция бөлiмi, Қаратау қалалық Газ учаскесі және «Nur Otan» партиясының жанындағы «Жас Отан» жастар қанаты ерiктiлерiмен бірлесе отырып, барлығы 2500-нан астам үйді аралау арқылы 6850 адамға өрт қауіпсіздігі және улы газдан сақтану шаралары бойынша түсіндіру жұмыстарын жүргізіп, арнайы 7000 жадынама таратылды. Түсіндіру жұмыстары кезінде аудан аумағындағы аз қамтылған, әлеуметтік тұрмысы төмен және көп балалы отбасыларға басты назар аударылды. Сондай-ақ, аудан аумағында орналасқан су айдындарында әуесқой балықшылармен мұздағы қayiпсіздікті сақтау бойынша кеңінен үгіт-насихат жұмыстары тұрақты түрде жүргізілуде. Одан бөлек, «Қауіпсіз көлік» акциясы алдағы уақытта да өз жалғасын таппақ.
Талас ауданы әкімдігінің баспасөз қызметі
