Кемелбек Ойшыбаев ақпарат және әлеуметтік даму вице-министрі қызметінен босатылды
Кемелбек Ойшыбаев ақпарат және әлеуметтік даму вице-министрі қызметінен босатылды, деп хабарлайды Stan.kz ақпарат агенттігі.
«Үкіметтің қаулысымен Кемелбек Бақтығұлұлы Ойшыбаев берілген өтінішке сәйкес Қазақстан Республикасы ақпарат және әлеуметтік даму вице-министрі қызметінен босатылды», — делінген хабарламада.
Кемелбек Ойшыбаев 1977 жылы Батыс Қазақстан облысында дүниеге келген.
Қазақ ұлттық университетін бітірген. Қазақ гуманитарлық заң университетін бітіріп, Женева бизнес мектебінде (Швейцария) MBA бағдарламасын аяқтады.
Еңбек жолын 2000 жылы «Интерфакс-Қазақстан» АА» ЖШС тілшісі болып бастады.
Осы жылдар ішінде ол коммерциялық құрылымдарда жұмыс істеді.
2015-2016 жылдары «Қазмедиа орталығы» ЖШС басқарушы компаниясында, Ақпарат және коммуникациялар министрлігі жанындағы Орталық коммуникациялар қызметінде басшылық қызметтерді атқарған.
2016-2017 жылдары — «Қазақстан» телерадиокорпорациясы» АҚ басқарма төрағасы.
2019-2020 жылдары — «Рухани Жаңғыру» Қазақстан әлеуметтік даму институты» КЕАҚ басқарма төрағасы.
2020 жылдың маусымынан қазіргі уақытқа дейін Ақпарат және қоғамдастық даму вице-министрі.
