Атырау облысында жол апатынан 5 адам мерт болды. Бұл туралы Полиция департаменті хабарлады.
Мәлімет бойынша, жол-көлік апаты бүгін, 28 қаңтарда сағат 16:00 шамасында болған.
Атырау облысының Доссор кентінен Маңғыстау өңіріндегі Бейнеу ауданы бағытына қатынайтын тас жолдың 71-шақырымында екі көлік соқтығысқан. Оның бірі – Өзбекстан Республикасында тіркелген «MAN» маркалы жүк тасымалдайтын, ал, екіншісі – Алматы облысының тұрғынына тиесілі «Toyota Camry» маркалы жеңіл көлік.
«Жол-көлік апатының салдарынан «Toyota Camry» көлігінің жүргізушісі мен 4 жолаушысы оқиға орнында мерт болды. Көз жұмғандардың екеуі – кәмелет жасына толмаған жасөспірім», -деп мәлім етті баспасөз қызметі.
https://aikyn.kz/181435/aktauda-zhol-apatynan-5-adam-kaza-boldy/
