Қазақстандық ММА файтері Бағдат Жұбаныш ММА тарихында тұңғыш рет үш дүркін әлем чемпионы атанды, деп хабарлады turkystan.kz.
Бұл туралы Қазақстанның біріккен ММА федерациясының баспасөз қызметі мәлімдеді.
Турнир Абу-Дабиде аяқталды. Чемпионатқа әлемнің 56 елінен 421 спортшы қатысты. Жарыстар 18-21 жас (жастар) және 21+ (ересектер) жас санаттары бойынша өтті. Қазақстан атынан 29 салмақ дәрежесі бойынша 42 спортшы қатысты.
Ақтөбелік Бағдат Жұбаныш финалдық жекпе-жекте 52,5 келіге дейінгі салмақ дәрежесінде ресейлік Фарход Рахмоналиевті жеңіп, ММА тарихында тұңғыш рет үш дүркін әлем чемпионы атанды.
Жекпе-жектің үш раунды да қазақстандықтың басымдылығымен өткен. Нәтижесінде төрешілер бірауыздан жеңісті Жұбанышқа берген.
