Бүгін дәл осындай тақырыппен аудандық кітапханада қоғам қайраткері Дінмұхамед Қонаевтың 110 жылдығына орай кезекті мәдени іс-шара өтті.
Кештің көрнекілігі ретінде «Тау тұлға тағлымы» атты кітап инсталияцисы мен суреттер шеруі көрініс тапты.Ерекше форматта ұйымдастырылған кешке аудан әкімі Марат Сұлтанғалиев пен ауданды
қ ардагерлер кеңесінің мүшелері және кітапхана оқырмандары қатысты.Тағлымы мол іс-шарада сөз алған аудан басшысы Марат Қырғызәліұлы халықтың ыстық ықыласына бөленген тұлғаның азаматтық болмысы туралы толымды пікірімен бөлісті.Керемет кеште үш мәрте социалистік Еңбек Ері атанған Дінмұхамед Ахметұлының жүріп өткен өмір жолы жайлы деректі фильмнен үзінді көрсетіліп, арнау өлеңдер оқылды.Кеш барысында «Сарысу» халықтық театрының әртістері «Қонаевтың Қалдаяқовты қабылдауы» қойылымын сахналап, іс-шараның мән-маңызын аша түсті.
Қойылымда Қонаевтың қабылдауына келген Шәмші Қалдаяқов пен Нұрғиса Тілендиевтің бейнесі суреттеледі. Онда Дінмұхамед Ахметұлы Шәмшінің «Бақыт құшағында» әндер жинағын шығаруға, ал Тілендиевтің баспана мәселесін шешіп беруге қол астындағыларға тапсырма бергендігі сахналанады. Айта кетейік, өткен аптада аудандық мәдениет үйінің ұйымдастыруымен, «Қонаевы қазақтың» атты театрландырылған үлкен кеш өткен болатын.Сарысу ауданы әкімдігінің баспасөз қызметі
