«Мұндай деректерді бірінші естіп тұрмыз»: «Дикий» Арманның қорғаушылары прокуратура таққан айыпқа жауап берді

Арман Жұмагелдиевтің қорғаушылары Бас прокуратура өкілінің мәлімдемесіне қайран қалғандарын жеткізді. Олардың сөзінше, тергеудің мән-жайы құпия болғанына қарамастан, құзырлы орган ақпаратты өздері жариялаған, деп хабарлайды Шаңырақ  ақпарат агенттігі Sputnik Қазақстанға сілтеме жасап.

«Дикий» Арманның адвокаттары өздеріне тергеудің мән-жайын таратпау жөнінде құжатқа қол қойдырмақшы болғандарын айтады. Алайда мәлімдемеден кейін прокуратура өкілдері тергеу жөнінде құпия ақпаратты жария еткен. Сонымен қатар «келтірілген деректерді алғаш рет естігендерін» мәлімдеді. Олардың сөздерінше, қылмыстық қудалау органының қаулысында Арманға мұндай айыптар тағылмаған екен.

• Желіде қаңтар оқиғасы кезінде «Дикий» Арманның ұсталған сәтінің видеосы пайда болды

• Танымал қазақ әншісі «Дикий» Арманның көмегімен 8 бөлмелі үй алғанын айтты

«Біз Бас прокуратураны сәйкес процессуалдық шараларсыз Жұмагелдиев Арманға қатысты жалған айыптар тағып, БАҚ пен қоғамды жаңылдырды деп санаймыз. Бұл тергеудің тек біржақты, айыптау мақсатында ғана жүріп жатқанын көрсетеді», — деді адвокат Талғат Есімов.

Айта кетейік, бұған дейін қорғаушылар шұғыл мәлімдеме жасап, Арман Жұмагелдиевтің адам шошырлық жағдайда қамауда отырғанын мәлімдеген еді.

https://stan.kz/mynday-derekterdi-birinshi-estip-tyrmiz-dikiy-armannin-359825/