Бүгін қала әкімі Ержан Жылқыбаевтың қатысуымен кезекті аппараттық кеңес өтті.
Басқосуда барысында:
- Құрылысы басталып, ұзақ уақыт аяқталмай тұрған (сақалды құрылыстар), заңсыз және «қызыл сызық» талаптары сақталмай салынған құрылыс нысандары мен дүңгіршектерді, көрнекі ақпарат құралдарын ретке келтіру жұмыстары;
- Қаладағы каналдар мен ирригациялық арық жүйелерінің жағдайы сараланды
![]()
Тараз қаласы аумағында анықталған 35 «сақалды құрылыс» 2 нысанында жұмыс толығымен аяқталды. 13 нысан бойынша құрылыс-монтаж жұмыстары жүргізілуде.
Жұмысы тоқтап тұрған 20 нысанның мәліметі шара қолдану үшін сотқа жолданды.
Қала аумағында құрылыс жұмыстарын жүргізу кезінде «қызыл сызық» нормаларын бұзған және заңсыз құрылыс жүргізген құрылыс иелеріне жүргізілген тексеріс барысында құрылыс нормалары мен ережелеріне қайшы жұмыс жүргізген 104 нысан анықталып, «Жамбыл облысы әкімдігінің мемлекеттік сәулет-құрылыс бақылау басқармасы» КММ-не хат жолданды. Нәтижесінде 77 нысанға айып пұл салынды, 6-нысан құжаттанған, ал қалған нысандар бойынша жұмыстар жүргізілуде.
Қаладағы 1388 көше, бұрылыстардың 699-ы ішкі арық желілерімен қамтылған (50,4%), оның ұзындығы 1398 шақырымды құрайды, оның ішінде лоток жүйелері — 498 шақырым, Құбыр өткелдерінің ұзындығы — 6010 метр, каналдағы су қалқаншасының (шлюз) саны — 1600 дана.
2021 жылы көп жылдар бойы арық желілері істен шыққан және тұрғындардың сұрауымен Қапал көшесінің 3-ші бұрылысына, Сеңкібай, Крупская, Әшімбаев көшелеріне және Театральный, Сорокин көшелеріндегі көппәтерлі тұрғын үйлердің аумақтарына су жеткізілді. «Қант зауыты» және «Тектұрмас» тұрғын алқаптарындағы ирригация жүйелерін тазалау жұмыстары нәтижесінде 160 көшедеге арық жүйесі реттелді.3 жылдық (2021-2023 ж.ж.) жоспар аясында қаладағы 1398 шақырым арық желісі лотокпен толық қамту жоспарлануда,сонымен қатар 1308 дана шлюз жөнделіп, 3580 метр құбыр өткелдері ауыстырылады.
Яғни, көпқабатты тұрғын үйлер аумағындағы және жеке секторлардағы шлюздер мен құбыр өткелдері жаңартылады.
Шараны қорытындылаған қала әкімі аталған мәселелердің өзектілігін ескертіп,сол бағыттағы жұмыстарды уақтылы аяқтауды,және екі мәселенің де жеке бақылауда екендігін жеткізді.
