Меркілік спортшы әлемдік додада қола жүлдені еншіледі
Абу-Даби қаласында өткен аралас жекпе-жектен жастар арасындағы Әлем біріншілігінде қола жүлдегер атанған Еркін Бегеновты меркіліктер құрметке бөледі.
Аудан әкімі Руслан Нұрсипатов меркілім спортшыны Әлем біріншілігіндегі жеңісімен құттықтап, спорт елдің мерейін асырып, абыройын тасытатын сала екенін айтты. Ол Еркін Бегеновке ел спортының дамуына қосқан үлесі мен салауатты өмір салтын қалыптастырудағы еңбегі үшін жылы лебізін білдіріп, Алғыс хатын табыс етті.
Аудандық ардагерлер кеңесінің төрағасы Қамбарбек Иманалиев те жас чемпионды жеңісімен құттықтап, ел намысын әлемдік ареналарда лайықты қорғап жүрген Еркіннің жеңістері көптеген жастарға үлгі екенін атап өтті.
Еске сала кетейік, Еркін Бегенов бұған дейін ережесіз жекпе-жектен Азия біріншілігінің жеңімпазы және ел біріншілігінің екі дүркін чемпионы атанған.
Өңірлік коммуникациялар қызметі
