Талдықорғандағы Сүйінбай атындағы облыстық филармония Құдайгергеновтерге қатысты шешім шығарды
Талдықорғандағы Сүйінбай атындағы облыстық филармония бұдан 25-30 жыл бұрын зейнетке шыққан бір топ өнер ардагерлерін салтанатты түрде шығарып салды. Бұл туралы Алматы облысы Мәдениет басқармасының жетекшісі Мәрлен Көлбаев Facebook-тегі парақшасында хабарлады.
«Дәл осы тақырыппен бүгін өнер ардагерлеріне мәдениетке сіңірген еңбектеріне салтанатты түрде құрмет көрсетіліп, лимузинмен қыдыртып, қызыл кілеммен қарсы алып, қазақы дәстүрмен шапандары шабылып, барлығына бірдей бағалы сыйлықтары тапсырылып, дәстүрлі әншілерімізге дәстүрлі әншілер ұжымы, эстрада әншілеріне эстрадалық әншілер ұжымы, оркестрге оркестр ұжымы, кәсіподақ ұжымы өз сыйлықтарын табыстады.
Бұдан 25-30 жыл бұрын зейнетке шыққан өнер ардагерлері бүгінгі салтанатты көріп, дән риза болып, мәдениет басқармасы мен облыстық филармония ұжымына шексіз алғысын білдірді», – деп жазды ол. \
Өнер ұжымы шығарып салған өнерпаздар арасында белгілі отбасылық ансамбль Қанат және Айтгүл Құдайбергеновтер де бар.
https://aikyn.kz/183198/taldykorgandagy-suyinbay-atyndagy-oblystyk-filarmoniya-kudaygergenovterge-katysty-sheshim-shygardy/
