Бүгін Талас ауданы әкімдігі ішкі саясат бөлімінің Жастар ресурстық орталығының ұйымдастыруымен аудан орталығы – Қаратау қаласында «Сыбайлас жемқорлыққа жол жоқ» тақырыбында акция өткізілді.
Аталған акция халық арасында дұрыс көзқарас қалыптастырып, жемқорлықтың алдын алуға бағытталған. Ол үшін аудан аумағында билбордтар ілініп, тұрғындарға үнпарақтар таратылмақ. Аталған жұмыстарды жүзеге асыруға қаладағы бір топ белсенді жастар тартылып отыр. Қоғам дертіне айналған жемқорлықтың жолын кесуге бекінген жастар бүгін сауда орындары мен қала көшелерін аралап, қала тұрғындарына ескертпе қағаздар таратты. Айта кетейік, аталған үнпарақтарда ақпараттар мен бірге жемқорлық сипатындағы әрекетке тап болған жағдайда қайда хабарласуға болатыны да жазылған.
Талас ауданы әкімдігінің баспасөз қызметі
