СЕМЕЙ. ҚазАқпарат — Көлік полицейлері құны 12,8 млн теңгені құрайтын мыс концентратын ұрлаған қылмыстық топты ұстады, деп хабарлайды ҚазАқпарат. ҰҚСАС ЖАҢАЛЫҚТАР Қызылордада жаппай ереуіл кезінде ломбардтан 125 алтын сақина ұрлағандар ұсталды Көліктегі полиция департаментінің мәліметінше, KAZ Minerals АҚ тиесілі «мыс концентраты» жүгінің ұрлығы өткен жылдың жазында жасалған. Түнгі уақытта төрт ер адам вагондардың межелі пунктке жөнелтілуін күтіп, станция жолдарында тұрғанын пайдаланып, 16 770 кг жүк ұрлаған. Шығын 12,8 млн теңгені құрады. 30 қыркүйекте жедел-іздестіру шаралары барысында қылмыскерлер Семей станциясында ұсталды. Бұл туралы көліктегі полиция департаментінің бастығы Оңал Бекеев мәлімдеді. Оның айтуынша, ҚР ҚК 188-бабы бойынша сотқа дейінгі тергеу жүргізіліп, материалдар сотқа жіберілді. «Осы жылдың қаңтар айының соңында Шар қаласы сотының үкімімен топ мүшелері 3 жыл 9 айға шартты түрде бас бостандығынан айырылды», — деп атап өтті полиция генерал-майоры.
Барлық құқықтар қорғалған. inform.kz белсенді сілтемені пайдаланыңыз https://www.inform.kz/kz/semeyde-poyyzdan-12-mln-tengenin-mys-koncentratyn-urlagan-kylmystyk-top-sottaldy_a3898267?utm_campaign=recommendation&utm_source=ainews
