Әлеуметтік желілерде Ұлттық музейдегі Елбасы Нұрсұлтан Назарбаевтың ескерткіші алынып тасталған фото тарап кетті.
Бұл суретті Серік Абас-шах Facebook парақшасында жариялады, деп хабарлайды Экспресс К.
«Ұлттық музейдің директоры «быстро переобулся». Арыстанбек Мұхамедиұлы Нұрсұлтан Назарбаевты орнынан алып, бірдеңе бүлдірген бала құсатып (теріс қаратып) бұрышқа тұрғызып (дұрысы отырғызып) қойыпты. Дұрыс қой. Экс-министрдің сүйікті енесі өз «бизнесін» аяқтан тұрғызып алғалы қашан…», — деп жазды ол.
Автор жария еткен фотодан ескерткіштің орнынан алынып, белгісіз бөлмеде теріс қарап қойылғанын көруге болады.
Мұны оқыған желідегілер Ұлттық музейдегілердің бұл әрекетін ұятқа теңеді.
Экспресс К тілшісі Ұлттық музейдегілермен байланысты. Баспасөз қызметінің қызметкері Айдар Қырықбай ескерткішті орнынан қозғалтпадық деп отыр. Айтуынша, алып мүсіннің жан-жағы қоршалған аумағына реставрациялық жұмыстар жүргізіледі.
Ол фото қашан түсірілгені белгісіз. Тараған ақпарат шындыққа сай емес. Ескерткіш орнынан қозғалған жоқ,
