Ақтөбе облысының екі шағынауданында табиғаттың тосын мінез танытуына байланысты Мемлекеттік Ту уақытша төмен түсірілді, деп хабарлады turkystan.kz облыс әкімдігінің баспасөз қызметіне сілтеме жасап.
«Ақтөбеде желдің күшеюіне байланысты, 12-шағынауданындағы айналма жолда орналасқан Мемлекеттік Ту және ҚР Тұңғыш Президенті атындағы орталық саябақта тұрған Мемлекеттік Ту ауа-райы қалыпқа келгенге дейін төмен түсіріліп қойылды. Бұл – Тудың жыртылмай сақталуы мақсатында жасалған әрекет. Жел басылғаннан кейін Ту қайтадан тұғырына көтеріледі» делінген хабарламада.
https://turkystan.kz/article/167658-tungysh-prezident-atyndagy-sayabakta-memlekettik-tu-tomen-tusirildi/
