Талас ауданына қарасты Тамды ауылында «Еркебұлан» шаруа қожалығының мүшесі Еркеғали Базарбайұлы екі жылдан бері биогумус тыңайтқышын әзірлеумен щұғылдануда.
Биогумус дегеніміз — түрлі жауынқұрттар мен микроағзаларды пайдалана отырып өңделген өнім.
Еркеғали өзінің тәжірибесінде қызыл калифорниялық шылаушындарды (жуын құрттар) пайдаланып отыр. Бүгінгі күнге ол шамамен 5 тоннаға жуық қиды өңделіп жатқанын және осының ішінде 2,5 тонна таза өңделген өнім шығатынын жеткізді.Өңделген биогумус өнімінің құнарлылығы өзге тыңайтқыштарға қарағанда 7-8 есе құнарлы екен. 5 тонна мал қиының қалдықтарына 1 миллион қызыл калифорниялық шылаушындар (жауын құрт) жіберілген екен. Олардың бір ерекше қасиеті қалдықтың құрамындағы ағаш, тамыр секілді заттарды жойып, майдалап, күшінен айырып жібереді.
Екі жылдан бері мен осы биогумус тыңайтқышын өзімнің ауламда көбейтіп отырмын. Әуелі 25 мың дана жауын құртты сатып әкелдім. Соны өсіріп, 1 миллионға жеткіздім. Бұл тыңайтқыш ылғалды болғандықтан, литрмен өлшенеді. Бір литр шамамен 60-70 теңге. Өнімнің әр түбіне 200 грамм биогумус тыңайтқышы жеткілікті. Есесіне өнімділігі бірнеше есе жоғары. Егіс алқабына малдың қиын төгіп жататындар да бар. Малдың қиы кейбір сәтте егінді қүйдіріп жібереді. Ал биогумус тыңайтқышыныда ондай процестер жойылып кетеді, жерді құнарландыру жоғарыда айтқанымыздай 7-8 есе жоғары. Өте тиімді. Осы биогумус тыңайтқышын бұйырса биыл өзімнің егіс алқаптарыма пайдаланамын. Бәрі сәтті болып жатса, аталған тыңайтқышты өңдеу көлемін арттыра беремін. Бұл әрекетім сол жетістіктерге жол бастайды деп үміттенемін, — дейді Еркеғали Жусанбаев.
Талас аудан әкімдігі
