Бүгін Кеңес әскерлерінің Ауғанстан жерінен шығарылғанына 33 жыл толуына орай, Қаратау қаласындағы Жастар саябағында орналасқан «Ауған соғысына қатысқан интернационалист-жауынгерлер монументіне» гүл шоғын қою рәсімі өтті.
Аталған жиында ең алғаш сөз алған аудан басшысы Қанатбек Мәдібек бейбітшілік заманында Ауғанстан жерінде әскери борышын өтеуге барып, қанды шайқаста құрбан болған жерлестеріміз есте мәңгі қалатындығын және бүгінгі ортамызда жүрген ауған ардагерлеріне қуанышқа толы өмір, толағай табыстар мен отбасыларына амандық тілей отырып, бірқатар ардагерлерді аудан әкімінің «Құрмет» грамотасы, «Алғыс» хаттарымен марапаттады.
Ауған соғысы ардагерлерінің Талас аудандық қоғамдық бірлестігінің төрағасы Есқараев Сәкен Сағынтайұлы жауынгерлермен бірге гүл шоғын қойып, ардагерлерге және жерлестерге ел амандығын жұрт тыныштығын тіледі. Жиынға қатысушылар ыстық нүктеде өз өмірін қиған, қаза тапқан жауынгерлердің құрметіне минуттық үнсіздік жариялады. Талас ауданы әкімдігінің баспасөз қызметі
