Белгілі қазақстандық журналист Динара Егеубаева әлеуметтік желідегі парақшасында семейлік құрметті донор Сырым Айдархановтың аяусыз азапталғаны туралы жазды.

– 1988 жылы туған Айдарханов Сырым Қайратұлы 6 қаңтарда Семейдегі алаңға бейбіт шеруге шыққан. Адамдарды ата бастаған кезде барлығы дүрлігіп, қаша жөнелген. Жаралылар көмек сұрап, Сырым соларға көмектескен. Сондықтан қашып үлгермей, ұсталып қалған. Сырымның анасы ұлының қайда екенін 4 күннен кейін ғана білген. Оны Өскемендегі тергеу изоляторынан табады. Ол ұлын бір айдан кейін ғана көре алды, – деді Егеубаева.

Журналист жазбасында Сырым Айдарханов құрметті донор екенін және үнемі қан тапсырып, көмектесіп жүретінін атап өтті. Ол 4 жыл бұрын дертке шалдыққан туысқанына еш ойланбастан бір бүйрегін берген.

– Анасы оны 4 күн бойы ұрғанын айтады. «Сен қарсы келген құдай мен билік алдыңда тұрмыз деп айқайлаған. Қай жағында бүйрек жоқ екенін сұрады. Сырым әлсіз сол жағынан ұрмас үшін оң жағын көрсеткен. Бірақ бұл көмектеспеді. Бүйірінен, басынан ұрған. Құдды өлтіргілері келгендей барлық жерінен ұрған. Бесінші күні Сырым ес-түсін жоғалтты. Кейде өзінің тірі емес екенін айтқан дауыстарды естіген. Бірақ ол әлі тірі еді, – деді ол.

– Сырым отбасындағы жалғыз асыраушы болған. Өзінің жеке көлігімен ақша тауып жүрген. Қазір балаларының азық-түлігіне ақша керек. Олар үшеуі сәби, – деп жазба авторы көпшіліктен қаржылай көмектесуді сұрады.

Сырымның анасы Айманның реквизиті төмендегідей: