Бүгінде Тараз қаласында ресми 19 сауда базары тіркелген. Базарлардағы 10 600-ден астам сауда орнында 5 300-ге жуық тұрғын жұмыс істейді.
Базарды ұйымдастыру кезiнде еліміздің қолданыстағы заңнамасына сәйкес санитариялық-эпидемиологиялық, өрт қауіпсіздігі, сәулет, құрылыс, ветеринариялық, экологиялық және басқа да талаптар сақталуы тиiс. Өткен жылы өрт сөндіру қызметі базарларға тексеру жүргізген болатын. Нәтижесінде «Ауыл-Береке» базарында өрт қауіпсіздігі талаптарының 4 бұзушылығы, «Бек» базарында — 5 және «Мыңбұлақ» базарында 4 дерек анықталған.
Тараз қаласында орналасқан сауда базарларының 8-інде («Дәулет», «Жібек жолы», «Арзан», «Салтанат», «Нұралы», «Якка сарай», «Береке», «Ысты») модернизациялау жұмыстарын жүргізу қажеттілігі туындап отыр. Өз кезегінде сауда орындарының иелері наурыз-сәуір айынан бастайтындықтарын жеткізді.©©©
«Жаңғырту сәулеті жергілікті билік органдарымен бекітіліп, «Дизайн кодқа» сәйкес келуі қажет. Ал халық арасында ең сұранысқа ие «Ауыл береке» базарындағы әлеуметтік маңызы зор азық-түлік пен басқа да өнімдердің бағасы бақылауда болуы тиіс. Сондай-ақ, аталған базардағы 1 402 сатушының жартысында жеке кәсіпкерлік құжаты жоқ. Осыған байланысты жүйелі әрі тыңғылықты тексеру жұмыстарын жүргізіп, тиісті құжаттарды түгендеп, кассалық аппараттарын орнатуды талап ету керек», — дейді Тараз қаласының әкімі Ержан Жылқыбаев.
Поделились: 3
Нравится
Комментировать
Поделиться
