Талас ауданының шаруа қожалық иелері тәжірибе алмасу үшін Жамбыл ауданында болды.Алдымен әкімдіктің мәжіліс залында болған делегация аудан әкімінің орынбасары Ерлан Қыдыралыұлымен кездесіп, аудан көлемінде кәсіпкерлік бағытындағы жобаларды, инвестиция саласын, өңдеу өнеркәсібінің жұмысы туралы баяндады.
Мұнан соң делегация «Аса агро» ЖШС-нің құс етін өңдейтін фермасының жұмысымен танысты.
Бүгінде баздар күрделі жөндеуден өтіп, арнайы аппараттары орнатылған.
Қазір 52 000 балапан кіргізілген. 10 күн ішінде 350 мың-ға жуық балапан күтімге алынады.
Әр баздың ені 18 метр, ұзындығы 123 метрді, ал баздар арасы 35 метр орналасқан.
Балапан 42 күнде сойылып, сатылымға шығарылады.
Ферма жұмысын аудан әкімдігі кәсіпкерлік және өнеркәсіп бөлімінің басшысы Бауыржан Төлендиев, ауыл шаруашылығы бөлімінің мамандары кеңінен түсіндіріп өтті.
