Жазасын өтеп жатқандардың фото-видеосы ғаламторда қызу талқыланып жатыр. Онда сотталғандар полицейлермен бірге аста-төк дастархан басында отыр. Түрмедегі фотолар Қарағанды облысы, Балқаш түрмесінде түсірілген, деп хабарлайды Экспресс К.
Дастархан басында полицейлермен бірге түстеніп отырған жігіттердің фотоларын Facebook-те Руслан Лазута есімді қолданушы жариялады. Онда бір топ жазасын өтеуші бай дастарханның басында бас қосқан.
Бұдан бөлек полицейлердің төсекте демалып жатқанын да байқауға болады. Жазба авторы «Түрмелерде телефондар, есірткілер, ішімдіктер, жезөкшелер қайдан келеді?» — деп оқырмандарына сұрақ тастаған.
Фотодағы сотталушылардың және олармен бірге отырған полицейлердің кім екені әзірге белгісіз.
Толығырақ: https://alashainasy.kz/society/turmede-sottalgandarmen-brge-asta-tok-dastarhan-basyinda-otyirgan-politseyler-km-184255/?utm_source=smi24
материалды қалай болсын қолдану тек қана Alashainasy.kz сілтемесімен бірге рұқсат етіледі
