Ағымдағы жылдың 18 ақпанында 14 сағат 07 минутта Батыс Еуропа — Батыс Қытай автожолының 185 шақырымында жеңіл автокөліктер қар құрсауында қалып қойғаны туралы хабарлама келіп түсті.
Оқиға орнына Қордай ауданының №15 Өрт сөндіру бөлімінің күштері мен құралдары шұғыл жөнелтілді. Келіп жеткен өрт сөндірушілердің күшімен 9 адам құтқарылды. Құтқарылған адамдар жақын маңдағы елді мекенге жеткізілді.
Осыған орай Жамбыл облысы ТЖ департаменті облыс және қала тұрғындары мен қонақтарына қолайсыз ауа-райы кезінде алыс жолға сапарға шығуды кейінге қалдырған жөн екендігін ескертеді. Сондай-ақ үйден шығарда газ және электр құралдарын қуат көзінен суырып, өрт қауіпсіздігі ережелерін қатаң сақтауға шақырады. Өрт немесе төтенше жағдай орын алғанда «101» және «112» телефон нөмірлеріне қоңырау шалу қажеттігін естен шығармауды сұрайды.
Жамбыл облысы ТЖД Өрт сөндіру және авариялық-құтқару жұмыстары қызметінің Қоғаммен байланыс тобы
