Кеңесте қаралған соңғы мәселе ауданның эпизоотиялық жағдайы. Ол туралы Жамбыл облысы әкімдігінің ветеринария басқармасының Талас ауданы ветеринариялық стансасының директоры Жарқын Қалмаханов баяндады.
Кәсіпорын басшысының айтуынша ауданда ахуал тұрақты. Биылғы жылы алынған нодулярлық дерматит (33 мың бас) ауруына және тейлериоз ауруына (20 мың 500 бас) вакцина толығымен салынған. Аусыл ауруына қарсы МІҚ — 74 мың бас, уақ мал — 850 мың бас егілген. Сібір жарасына қарсы 33 мың бас МІҚ, 400 мың бас уақ мал, 13 мың 700 бас жылқы малы, 2 мың 200 бас түйе малы және 150 бас шошқа малдары егілуден өткен. Сондай-ақ, қарасан ауруына қарсы 38 мың бас МІҚ малы егіліп, эхинококкоз ауруына қарсы 22 мың ит пен мысық дәріленген.
Егілген малдардың деректері компьютерлік базаға енгізіліп отырылады. Солтүстік облыстарда құс тұмауының тіркелуіне байланысты ауылдық округтер мен Қаратау қаласындағы барлық үй құстары толығымен егілді. (93 мың доза вакцина)
Одан бөлек, аудан бойынша 2021 жылы қаңғыбас иттер мен мысықтарды аулап жою жұмыстарына 1916,0 мың теңге қаражат бөлініп, оған 1091 ит пен 120 мысық жойылды. Жойылған иттер мен мысықтарды аудан бойынша орналасқан биотермиялық шұңқырларға тасталынып отырылады.
Сонымен қатар, былтыр аудан бойынша 13 мың бас МІҚ, 154 мың 500 уақ мал, 340 дана түйеге сырға алынды. Алынған сырғаның барлығы 2021 жылғы төлдерге салынды. 2021 жылғы АШМБ базасында 30 349 бас МІҚ малы, 342 841 бас уақ мал, 198 бас шошқа малы, 12 570 бас жылқы малы, 2 204 бас түйе малы тіркеуде тұр. Ал сырғасы түскен малдарға қайта сырға көшірмесін салу жұмыстары жүргізілді.Талас ауданы әкімдігінің баспасөз қызметі
