Алматыда нөмірсіз көліктің артқа жүріп бара жатқаны видеоға түсіп қалды, — деп хабарлайды Tengrinews.kz тілшісі. Видео Instagram желісіндегі almaty_kris_p парақшасында жарияланды.
Видео Саин көшесінде түсірілгенге ұқсайды. Автор осының салдарынан жаппай жол апаты болғанын айтады.
Алматы полиция департаментінің хабарлауынша, арнайы батальон қызметкерлері тексеруге кіріскен.
«Жүргізушінің жеке басы анықталды. Жергілікті полиция қызметі құқық бұзушыны іздестіріп жатыр. Бұл видеоға қатысушылардың әрқайсысы міндетті түрде жауапқа тартылады. Олардың әрқайсысына құқықтық баға береміз, олар заң бойынша жауап береді», — деді Алматы ҚПД баспасөз қызметінің жетекшісі Салтанат Әзірбек.
https://kaz.tengrinews.kz/kazakhstan_news/almatyida-nomrsz-kolktn-artka-jurp-bara-jatkanyi-videoga-334366/
