🔹Оқушыларды ғылыми-зерттеу және оқу-танымдық жұмыстарға ынталандыратын ғылыми жобалар жарысы бүгін аяқталды. Шымкент қаласында өткен жалпы білім беретін пəндер бойынша оқушылардың ғылыми жоба конкурсында жамбылдық дарындылар қоржынымызға 6-алтын, 9-күміс, 14-қола медальдарды салды. Сондай-ақ, 6 оқушымыз арнайы дипломдармен марапатталды. Осылайша барлығы 29 марапатпен үлкен жеңіске жеттік деп есептеймін.

🔹Жалпы ғылыми жобалар конкурсына республика бойынша 749 оқушы, 596 ғылыми жобасымен қатысса, облысымыздың атынан 50 оқушы       16 секция бойынша 40 ғылыми жобалық жұмыстарын қорғаумен бақ сынасты.

🔹Оқушыларымыз дәстүрлі додаға ерекше ден қойып дайындалды. Зерттеу жұмыстарының тақырыптары сан салалы. Бастысы – тынымсыз ізденістің арқасында жоғары нәтиже көрсетті.

👏🏻Жеңімпаз  оқушыларымыз бен жетекшілік еткен ұстаздарды мерейлі жеңістерімен құттықтаймыз! Ғылым жолындағы алғашқы бастаулары баянды болып, оқушыларымыздың еліміздің еңсесін биіктетер ертеңі боларына сенеміз!