🔸Еңбекші халықтың ғасырлар бойы жасап келген өмір тәжірибесі, оның мәдениеті мен салты, әдеті мен ғұрпы, шаруашылық кәсібінің түрлері, тілінің шебер ерекшелігі қамтылған сипатталған ертегілердің бала тәрбиесінде алатын орны орасан зор. Мұны көп ғасыр бойына халықтың ұмытпай сақтап келуінің, сүйе айтып, сүйсіне тыңдауының өзі-ақ дәлелдей түседі.
🔸Бүгін «OrdaGen» балаларға арналған ертегілер жобасы бойынша жарық көрген оқу құралдарының тұсаукесеріне қатыстым. Облыс әкімдігінің мәдениет, архивтер және құжаттама басқармасының Д.А.Қонаев атындағы облыстық балалар мен жасөспірімдер кітапханасында ұйымдастырылған іс-шара «Балалар жылы» аясында өтті.
🔸Халқымыз ертегілерде өскелең ұрпақты елін, Отанын сүюге, халыққа адал қызмет етуге тәрбиелейтін құралдың бірі есебінде пайдаланған. Тұсауы кесілген туындының да балаларымызға берері мол боларына сенімдімін. Аталмыш жоба аясында 1000-ға жуық заманауи ертегілер жазылып, әр ертегінің аудионұсқасы дайындалған екен. Мобильді қосымша да жұмыс жасап тұр. Жалпы балаларға тәрбиелік маңызы ерекше екені сөзсіз. Бейқұт Жамангөзов
