Жамбылдық полицейлер басқа адамның атынан 2 млн теңге несие рәсімдеген күдіктіні ұстады

Жамбыл облысы Полиция департаментінің бастығы Арманбек Баймурзиннің атына Тараз қаласының 41 жастағы тұрғынынан полиция қызметкерлеріне алғыс білдірген хат келіп түсті. Хатта ол Тараз қалалық Полиция басқармасының 1-полиция бөлімінің қызметкерлеріне оның атынан несие рәсімдеген күдіктіні анықтап, құрықтағаны үшін алғыс білдірген.

Анықталғандай, белгісіз азамат алаяқтық жолмен әйелдің атына 2 миллион теңге көлемінде несие рәсімдеген.

Азаматша: — «Менің арызымнан соң 1-полиция бөлімінің қызметкерлері алаяқты жедел түрде тауып, ұстап әкелді. Маған келтірілген шығынды толығымен өтеп бергізді», — деп жазған.

Ол полиция қызметкерлеріне денсаулық, отбасыларына амандық және қызметтеріне табыс тіледі.