Әз-Наурызға дайындық тазалықтан бастау алады. Өйткені, ата-баба дәстүрінен қалған “таза үйге ғана бақыт келеді” деген сенім бар. Бүгін осыған орай Тараз қаласында жалпықалалық сенбілік өтті.
Іс-шараға қала әкімдігіне қатысты барлық мекемелер, кәсіпорындар, бизнес өкілдері және тұрғындар атсалысты. Осынау істе бірлік танытқан тараздықтар өз жұмыстарын әуелі тал-көшет отырғызудан бастады. Бір ғана Барысхан алқабына 500-ге жуық ағаш егілді.
Сондай-ақ қаланың барлық көшелері тазаланып, саябақтар жаңарып, қоқыстар шығарылды.
Сенбілікке жалпы – 4030 адам қатысты. Шығарылған күл-қоқыстың көлемі –96 тонна.Жұмылдырылған арнайы көліктің саны –11 дана.
Сенбілікте арық-атыздарды тазартуға ерекше екпін берілді. Өйткені, көктемдегі барлық тіршілік судан бастау алады.Қоғам үшін тиімді жұмыс алдағы уақытта жалғасатын болады.
Тараз қаласы әкімдігі
