Бүгін Мемлекет басшысы Қасым-Жомарт Тоқаев қазақстандықтарға ауқымы кең, маңызы айрықша Жолдауын жариялады. Сөз басында Президент «Қаңтар оқиғасында» орын алған қиын жағдай жайында баяндап, араға іріткі салған бүлікшілер жазаланып жатқандығын жеткізді.
Мемлекет басшысының; «Бізге ешкім сырттан келіп, ештеңе жасап бермейтіні анық, бәрі өз қолымызда. Сондықтан, баршаңызды жаңа Қазақстанды құруға бір кісідей жұмылуға шақырамын» деген сөзі арқылы әр азаматты ұлтымыздың даму жолына тамшыдай болсын үлес қосуға шақырып отыр.
Халықтың үніне, бейбіт шеруде айтылған наразы- тілектерге құлақ асуды Президенттік, перзенттік міндетім деп атап өткен Мемлекет басшысы елде мүлдем жаңаша реформа құрылатындығын жеткізді. Бұл тұрғыда Президенттен Парламенттің өкілеттігі басым рөл атқармақшы. Сондай-ақ Парламенттің жұмысы күшейтіліп, «Күшті Президент», «Ықпалды Парламент» жүйелері құрылады. Халық сенім артқан депутаттарға, яғни біздерге аса жауапкершілік жүктеліп отыр. Сәйкесінше Президент Жолдауындағы тапсырмаларды тыңғылықты орындауға, оның жүйелі жүзеге асуына біз халық адамы ретінде бар күш – жігерімізді жұмсайтын боламыз.
Раушан ЖЕТІБАЕВА,
Мойынқұм ауданы, Бірлік ауылдық ардагерлер
кеңесінің төрайымы.
