📌 Қазақстан Республикасы «Әкімшілік рәсімдік-процестік» Кодексінің 65-бабына сәйкес, жолданымды қарау өкілеттігіне кірмейтін әкімшілік органға келіп түскен жолданым, келіп түскен күнінен бастап үш жұмыс күнінен кешіктірілмейтін мерзімде әкімшілік рәсімге қатысушыға бір мезгілде хабарлай отырып, уәкілетті әкімшілік органға жолданады.
🔹 Дегенмен, Кодекстің аталған нормалары бірқатар құқық қорғау органдарының және ұйымдардың тарапынан сақталынбауда.
🔸 2021 жылдың қорытындысы бойынша Департаменттің функциясына кірмеуіне байланысты жеке және заңды тұлғалардың 130 өтініштері құзыреттілігі бойынша қарау үшін уәкілетті мемлекеттік органдарға жолданған.
❗Соның ішінде, өтініштерде қойылған мәселелерді қарау Департаменттің функциясына кірмейтіндігіне қарамастан мемлекеттік органдар 32 өтінішті Департаментке қарау үшін негізсіз жіберген.
▪️Орын алып отырған мәселелердің нәтижесінде азаматтар тарапынан қосымша шағымдар туындаса, екінші жақтан Департамент қызметкерлерінің жұмыс жүктемесі де артып отыр.
▫️ Осыған байланысты, құқық қорғау органдарының, Еңбек инспекциясы басқармасының, Кәсіпкерлер палатасының, «Аманат» партиясының Жамбыл облысы филиалының өкілдерімен кездесу өткізіліп, орын алып отырған кемшіліктер баяндалды және Департаменттің атқаратын функциялары жөнінде ақпараттандыру жұмыстары жүргізілді.
ҚР Мемлекеттік қызмет істері агенттігі / Агентство РК по делам госслужбы
#елге_қызмет_01
#елге_қызмет_03
