Қасым-Жомарт Тоқаев: Жаңа Қазақстанды құру дегеніміз тек мемлекет аппаратын жаңғырту емес, бүкіл қоғам, әрбір адам өзгеруі керек
Алматы қаласына жұмыс сапарымен келген Президент «Астана» алаңында өтіп жатқан мерекелік шараға арнайы келіп, барша қазақстандықты Наурыз мейрамымен құттықтады.
Президент өз құттықтауында елдің әрбір азаматын Жаңа Қазақстанды бірлесе құруға шақырды.
«Жаңа Қазақстанды құру дегеніміз тек мемлекет аппаратын жаңғырту емес, бүкіл қоғам, әрбір адам өзгеруі керек. Әр азамат еліміздің өркендеуіне өз үлесін қосуға ұмтылуы қажет. Бүгінгі алмағайып, құбылмалы заманда береке-бірлікті, тұрақтылықты сақтай білу өте маңызды. Алдымызда зор міндеттер тұр және ауқымды жұмыстар бар.
Бір ел, бір халық болып Жаңа Қазақстанды бірге құрайық. Құрметті жастар, бірге жұмыла еңбек етейік. Тұғыры мығым, бірлігі бекем еліміз жасай берсін», — деді Мемлекет басшысы.
