Жәбірленушілердің тізімі мен сотталғандар оларға төлеуі тиіс шығын көлемін оқып шығуға судьяның бір сағаттай уақыты кетті.

Шығынның ең аз мөлшері 100 мың теңгеден басталады. Арасында 40 миллион теңге қаржысын жоғалтқан жәбірленушілер де бар.

Пирамиданы ұйымдастырушы ақтөбелік 9 жылға, Home Avto Invest компаниясының Ақтау және Атырау бөлімшесінің басшылары алты жыл сегіз айға бас бостандығынан айырылды.

Home Avto Invest қаржылық пирамидасы 2019 жылдың желтоқсанында құрылып, бірнеше ай жұмыс істеген. 2020 жылдың ақпанына дейін ол 450-ге жуық адам алданған. Шығын  көлемі шамамен 2 миллиард 215 миллион теңгеге жеткен.

Бұған дейін қаржы пирамидасына қатысты вайнерлер жауапқа тартылғанын жазған болатынбыз.