«Тараз қаласы әкімдігінің сәулет және қала құрылысы бөлімі» КММ-сі Тараз қаласы аумағында «Қазақстан Республикасындағы сәулет, қала құрылысы және құрылыс қызметі туралы» Заңының 17 бап 1 тармағындағы талаптарды өрескел бұзып, қайшы келтіріп, құрылыс монтаж жұмыстарын жүргізуге толық рұқсат құжаттарын алмай, салынып жатқаны нысандарды анықталды.
Қолданыстағы заңнамалар мен заң бұзушылыққа жол бергені бойынша заң аясында мониторинг жүргізіп, иелеріне тиісті шаралар қолдану мақсатында, анықталған 117 (бір жүз он жеті) нысанның, оның ішінде 2021 жылы 109 нысан және ағымдағы жылы 8 нысан иелері туралы мәліметтерді және анықталған заң бұзушылығын көрсетіп «Жамбыл облысы әкімдігінің мемлекеттік сәулет-құрылыс бақылау басқармасы» КММ-не хаттар жолданды.
Жоғарыда аталған мекеме тарапынан бүгінгі күні Қазақстан Республикасының әкімшілік бұзушылық туралы Кодексіндегі 316 баптың 1 тармағы, 319 бап, 463 баптың 1 тармағы және 322 баптың 1 тармағы бойынша 79 нысанға айыппұл салынды. 18-нысанға шара қолдану мүмкіншілігі болмады, 9-нысан құжаттанған, ал қалған 11 нысан бойынша жұмыстар жүргізілуде. Нәтижесінде 31837588 (отыз бір миллион сегіз жуз отыз жеті мың бес жүз сексен сегіз) тенге айыппұл салынып өндірілді.
Сонымен қатар, Желтоқсан көшесімен Қазыбек би көшесінің қиылысындағы қызыл сызық бойында орналасқан «Пико» ЖШС-не тиесілі екі қабатты сауда ғимараты мен Бауыржан Момышұлы көшесінің бойындағы «Мыңбұлақ» мөлтек ауданының іргелес жер теліміндегі Ә.Ашірбаевқа тиесілі сауда павильондары соттың шешімімен бұзылды.
Өтеген батыр көшесі, №8 «А» мекен жайдағы ұзақ жылдар бойы қараусыз қалған апатты жағдайдағы көп пәтерлі тұрғын үй құрылысын бұзу туралы соттың шешімі шығып, соттың атқару парағы алынып, сот орындаушыларға ұсынылды, «Мыңбұлақ» шағын ауданы, 17 «А» мекен жайдағы Р.Ахылтаеваға тиесілі дүкен, кеңсе және қойма жайлары құрылысын бұзу туралы облыстық соттың шешімі шықты.
Бұдан басқа қала аумағында орналасқан дүңгіршектер бойынша «Тараз қаласы әкімдігінің сәулет және қала құрылысы бөлімі» КММ-сі тарапынан мониторинг жүргізіліп 41 нысанның заңдылығы қаралды. Нәтижесінде заңсыз орналасқан 17 нысан алынып тасталды. «Тараз қаласы әкімдігінің сәулет және қала құрылысы бөлімі» КММ-сі алдағы уақытта тұрақты түрде жаңадан салынып, орнатылып жатқан нысандар бойынша мониторинг жасап, заңдылығын зерделеу жұмыстары жүргізіетін болады.
Тараз қаласы әкімдігі
