Әлеуметтік желіде балабақша тәрбиешісінің балаларды басынан ұрған видео тарады. Орын алған оқиғаның мән-жайын құқық қорғау органдары анықтауда деп жазды turkystan.kz.
Instagram-да skandal_krg парақшасында жарияланған видеода оқиға Қарағанды облысы Абай қаласындағы балабақшада болғаны айтылады. Видеодан тәрбиешінің бөлмеде жүрген бірнеше баланы желкесінен ұрғанын көруге болады.
«Камералардан бейнежазбаны көріп, жағамды ұстадым», – деп жазды видеоның авторы.
Қарағанды облысының Полиция департаменті видео тарағаннан кейін зардап шеккендер мен оқиғаның мән-жайын анықтап жатыр.
Абай аудандық білім бөлімінің мәліметінше, балабақша жекеменшік, білім бөліміне бағынышты емес.
«Әдемі» балабақшасы – жекеменшік мектепке дейінгі мекеме. Абай аудандық білім бөлімінің қарауына жатпайды. 500 орындық жеке балабақша 2021 жылдың ақпан айында ашылған. Оқиғаға қатысты комиссия құрылды», – делінген ресми ақпаратта.
https://turkystan.kz/article/173148-karagandylyk-balabaksha-terbieshisi-balalardyn-basynan-urgan-video/
