Қаржы мониторингі агенттігі темір жол жолдарының қоршауын салуға арналған қаржыны жымқырған «ЖилОтделСтрой» ЖШС басшысының алаяқтық дерегі бойынша тергеу аяқталды деп жазды turkystan.kz.
«2015 жылдан 2019 жылға дейін Қарағанды магистральдық желі бөлімшесінің станцияларында жолдарды қоршау бойынша құрылыс-монтаждау жұмыстарын орындау кезінде А.Б.Құдайқұлов «ҚТЖ» ҰК» АҚ-ның жалпы сомасы 57 миллион теңгеден астам қаражатты жұмыс көлемін арттыру арқылы жымқырғаны анықталды», – делінген хабарламада.
Тергеу әрекеттері барысында бюджетке келтірілген залал толығымен өтелді. Сот үкімімен А.Б.Құдайқұлов 6 жылға шартты түрде бас бостандығынан айырылды.
