Жамбыл облысында 7 777 науқас қатерлі ісікпен есепте тұр. Биыл катерлі ісік алғаш рет анықталған аурулар саны 1 514 болды. Аурушаңдық көрсеткіші — 133,1, бұл көрсеткіштің аздап көтерілгенін аңғартады. Себебі ауруды ерте сатысында анықтау жұмысы жақсарған және бұған скринингтік тексеруден өткізудің қосқан үлесі зор.
Бұл туралы ӨКҚ баспасөз брифингінде өңірдегі көпбейінді онкология және хирургия орталығының директоры Айбаз Алиханов айтты. Ол былтыр осы дерттен 784 азамат қайтыс болғанын да мәлімдеді. Яғни, өлім көрсекіші де аздап көтерілген, мұның себебі есепте тұрған аурулардың көбейуіне байланысты.
«Өткен жылы аймақта қатерлі ісікпен алғаш рет ауырған 1514 адамның 57,5 %-ы сырқаттың бірінші және екінші сатысында екені анықталды. Бұл сатыдағы аурулардың аздап төмендегенін көрсетеді, бұлар өкпе, асқазан, ұйқы безі аурулары болып отыр. Статистикаға жүгінсек, облыста 2021 жылы обыр ауруының үлес салмағы бойынша сүт безі қатерлі ісігі бірінші орынға шыққан. Нақтырақ айтсақ, 11,4 %-ды құрады. Екінші орында өкпенің қатерлі ісігі, содан соң асқазан, тері, бауыр, жатыр мойны қатерлі ісіктері тұр», — деді спикер.
Айбаз Асанұлы қатерлі ісікті анықтаудың бір жолы нысаналы топтағы тұрғындарды скринингтік тексеруден өткізу екенін атап өтті. Қазіргі таңда сүт безі, жатыр мойны және тоқ ішек, тік ішек қатерлі ісіктерін ерте анықтау мақсатында скринингтік тексерулер жалғастырылуда.Өңірлік коммуникациялар қызметі
