⚜️Облыстық «Рухани жаңғыру» жобалық офисінің бастамасымен, Наурыз мерекесін өңір бойынша кең көлемде атап өту мақсатында өткен іс-шараға сарысулықтар аса үлкен ықыласпен атсалысты.
⚜️Бүгін Сарысу ауданы әкімінің орнынбасары Нұржан Нұралиев бастаған керуен-көш Жамбыл ауданында болды. Рухани керуенді облыс орталығының батыс қақпасынан Жамбыл ауданы әкімінің орынбасары Олжас Баққараев бастаған топ айрықша құрметпен күтіп алды.
⚜️Негізгі іс-шара Айша бибі ауылдық мәдениет үйінде өтті. Онда керуен құрамына енген бір топ сарысулық қолөнер шеберлерінің бұйымдары мен республикаға кеңінен танымал ақын-жазушылардың шығармалары, кітап инсталяциялары көрініс тапты. Сондай-ақ, жергілікті аудан тұрғындарына сарысулық өнерпаздар мерекелік концерттік бағдарлама ұсынды.
⚜️Бағдарлама барысында Сарысу ауданы әкімінің орнынбасары Нұржан Нұралиев Жамбыл ауданы ардагерлер кеңесінің төрағасы Бақыт Сырлыбаевқа зерделі шапан жауып, жергілікті аудан әкімдігіне естелік сыйлық табыстады.
⚜️Тағылымға толы іс-шарада республикаға кеңінен танымал айтыскер ақын Алик Бекмұсаев Жамбыл жұртшылығының танымал тұлғалары мен әрлі-берлі тарихын жырға қосса, батагөй қария Салқынбек Дүйсебаев аудан атқамінерлеріне ақ батасын берді.
⚜️Концерттік бағдарламаның қорытынды сәтінде сөз алған аталмыш жобаның негізгі жетекшісі, облыстық «Рухани жаңғыру» жобалық офисінің директоры Ринат Нұрақбаев пен Шерхан Мұртаза атындағы «Руханият және тарихтану» ғылыми-зерттеу орталығының басшысы Сауран Қалиев рухани керуенннің маңыздылығына кеңінен тоқталып, іс-шараға белсене атсалысқан бірқатар азаматтарға арнайы Алғыс хаттарды табыс етті.
☑️Сарысу ауданы әкімдігінің баспасөз қызметі
