Қоғамдық қабылдауға қатысқан ауыл ардагерлері мен тұрғындары өз ой-пікірлерімен бөлісті. Жергілікті қауымдастық кеңестің төрағасы Усейнов Исмаил, ақсақалдар алқасының төрағасы Алдабергенов Исмаил, оның орынбасары Демиров Махмет пен еңбек ардагері Мустафаев Сулхадин ауыл тұрғындарының атынан: ел Президенті Қасым-Жомарт Тоқаевтың саясатын, жариялаған реформаларын, «Қаңтар оқиғасына» байланысты атқарып жатқан барлық істерін толық қолдайтындарын айтып, еліміздің Тұңғыш Президенті Н.Назарбаевтың сіңірген еңбегін де бағайлайтындарын жеткізді.
Сонымен қатар, облыстың бұрынғы әкімі болған Бердібек Сапарбаевтың облысқа, оның ішінде осы Қасқабұлаққа істеген жақсылықтарын айта келе, облыстың жаңа әкімі болып тағайындалған Нұржан Нұржігітовқа құттықтауларын жеткізуді өтінді.
Жалпы «Қасқабұлақта» проблема жоқ, дегенмен, аудан басшылары уәдесінде тұрып ауылға газ жүргізіп берсе, деп қалды. Сонымен қатар еліміздегі азық – түлік қымбатшылығы алаңдататынын жасырмады. Жиынға аудан әкімінің орынбасары Айтолқын Әбдібекова мен ішкі саясат бөлімінің басшысы Бекнұр Сатыбалдиев қатысты. Негізінен күрті халқының өкілдері тұратын Қасқабұлақ ауылының бірлігі мен татулығы, ынтымағы жарасқан ауылда былтырдан бері бірде -бір заңбұзушылық орын алмағанына, ішімділік сатылмайтынына, мектепте қазақ тілі класстары ашылғанына көп жұмыс жасаған округ әкімі Жардис Усеновқа және мектеп директоры Хамза Мустафаевқа риза боп қайттық! Ауылдарымызда осындай «береке-бірлік, татулық пен тұрақтылық салтанат құра берсе екен», деп қайттық.
Аудан әкімі Қанатбек Мәдібектің ауылға жиі келіп хал- жағдайларын сұрап- біліп тұратындығы да ауыл тұрғындары айтты.
