Қанат Сейдғапбаров Қазақстан қауіпсіздік кеңесі хатшысының орынбасары болып тағайындалды, деп хабарлайды Stan.kz ақпарат агенттігі.
«Мемлекет басшысының үкімімен Қанат Серікұлы Сейдғапбаров Қазақстан Республикасы қауіпсіздік кеңесі хатшысының орынбасары қызметіне тағайындалды. Ол Қазақстан Республикасы қауіпсіздік кеңесі құқық қорғау жүйесі басқармасының басшысы қызметінен босатылды», — делінген хабарламада.
Қанат Сейдғапбаров 1978 жылы дүниеге келген. Жоғары заңгерлік және экономикалық білімі бар.
2000-2001 жылдары Оңтүстік Қазақстан облысының прокуратура органдарында қызмет атқарған.
2001-2016 жылдары бас прокуратурада, оның ішінде 2011-2016 жылдары басқарма бастығы қызметін атқарған.
2016-2019 жылдары — Қазақстан Республикасы президенті әкімшілігінің құқық қорғау жүйесі бөлімі меңгерушісінің орынбасары болып жұмыс жасады.
2019 жылғы 24 сәуірде қауіпсіздік кеңесі төрағасының шешімімен қауіпсіздік кеңесінің құқық қорғау жүйесі департаментінің басшысы болып тағайындалды.
https://stan.kz/kazakstan-kauipsizdik-kenesi-hatshisinin-orinbasari-tag-363063/
